تارت الكنافه بالشوكولاته

تارت الكنافه بالشوكولاته

وصفة تارت الكنافه بالشوكولاته من احلى وصفات الكنافة تناسب كثيرا شهر رمضان الكريم 

المكونات :
نص كيلو كنافه
كوب إلا ربع سمنه
معلقتين سكر بودره
نص كوب سيرب تقيل

الحشو :
٢٠٠ جرام كريمة طبخ
٤٠٠ جرام شوكولاته خام مبشوره

التزيين :
بندق مجروش
نوتيلا و شوكولاته بيضا

الطريقه :
اول حاجه هنقطع الكنافه و نقلب معاها السكر البودره و السمنه و بعدين نجيب صنية التارت و نضغط فيها الكنافه كويس جدا .

التسويه :
هندخل الكنافه فرن سخن على درجة حرارة ٢٠٠ من ١٥ ل ٢٠ دقيقه لحد ما الأطراف تتحمر و بعدين نولع الشوايه خمس دقايق و نطلعها .
بعد ما تطلع هنسيبها تهدى عشر دقايق و بعدين نسقيها سيرب بسيط مش كتير .

تحضير الجناش :
في حله على النار هنحط الكريمه و نسيبها تسخن و بعدين نطفي و نضيف الشوكولاته مع التقليب المستمر لحد ما تدوب خالص و نسيبها تبرد و بعدين ننزلها على الكنافه و نزين بالبندق و نعمل خطوط بالنوتيلا و الشوكولاته البيضا و بالهنا

للامانة الوصفة منقولة