اشهى الاكلات كل يوم وصفة جديده المطبخ التونسي المطبخ الصيني المطبخ المصري حلويات جزائرية حلويات غربية رمضان شروبات عام المطبخ جزائري وصفات تركية برامج

آخر المواضيع

البسبوسه

البسبوسه

البسبوسة  من الحلويات المفضلة عند المصريين خصوصا في شهر رمضان، ونظرا لان اسعار الحلويات صارت عالية، ترغب الكثير من السيدات تحظير هذه الاصناف لعائلتها في البيت، لذلك نقدم لكم هذه الوصفة والتي نتمنى ان تنال اعجابكم
المكونات :
نص كيلو سميد بسبوسه
كوب و ربع سكر
٢ معلقه كبيره جوز هند
٢ معلقه كبيره عسل أبيض
كوب لبن
نص كوب سمنه
مكونات السيرب :
كوب و نص سكر
٣ كوب ميه
عصير نص ليمونه
معلقتين جلوكوز

الطريقه :
هنجيب بوله و نقلب فيها السميد و السكر و جوز الهند و بعدين نسخن السمنه مع العسل و ننزلها و نقلب و نسخن اللبن و نضيفه و نقلب بأطراف الصوابع بدون عجن يدوب المكونات تندمج و نجيب صنيه مدهونه سمنه و ننزل فيها خليط البسبوسه و نساويها بإيدنا و بعدين نخبط الصنيه على الرخامه عشان وشها يبقى متساوي و مظبوط .

التسويه
هندخلها فرن سخن على درجة حراره ٢٠٠ حوالي ربع ساعه هنلاقي الأطراف أخدت لون و بعدين نولع الشوايه عشان نحمر وشها و نطلعها نسقيها بسيرب سخن .

ملحوظه :
_
البسبوسه لازم تبرد عشان تتقطع و تطلع سليمه من الصنيه.
_
مش بنضيف بيكنج بودر للبسبوسه و كل المحلات مش بضيفه .
_
السكر في البسبوسه يكون سنترافيش ،مينفعش بودره خالص عشان ميدوبش و البسبوسه تنشف.
_
البسبوسه مينفعش تتعجن خالص يدوب بنلم المكونات عشان تطلع مرمله و طريه لو اتعجنت بتطلع ناشفه و مش بتشرب السيرب.
_
الجلوكوز في السيرب اختياري بس هو بيضيف لمعه للحلويات و بيخليها زي الجاهزه.
_
ممكن استبدال العسل الابيض في المكونات بسيرب تقيل .
للامانة الوصفة منقولة 

اخر المواضيع

glx_ce58b9c8b92c2c556880818058d6a69d.txt