اخر الاخبار

الأربعاء، 14 أغسطس 2019

تورتة النوغاتين


تورتة النوغاتين 


ممكن نعمل منها جاتوة وممكن نعمل منها تورت 
كل الحاجات اللى هنشتغل فيها تكون بدون نقطة ماء 
مقادير تورتة النوجاتين او النوغاتين 
10
ابيض بيض اى بياض 10 بيضات كبيرة 
300
جرام سكر بودرة 
8
اصفر بيض 
100
جرام سكر عادى خشن 
120
جرام دقيق 
90
جرام زبدة سايحة 
120
جرام مكسرات مفرومة ممكن بندق فستق لوز او سودانى حسب امكانيات حضرتك 
6
جرام بيكنج بودر 
الطريقة 
هنحط الابيض بيض مع السكر البودرة فى المضرب الكهربى السلك ونسيبة يضرب لحد ميتحول مارينغ نشيلة من المضرب ونحطة فى طبق ونحط مكانة الاصفر بيض مع السكر الخشن مع الفانليا ونسيبة يضرب 5 دقايق نفصل المضرب ونقلب بملعقة خشب بهدوء المارينغ مع الاصفر بيض وننزل عليهم بالدقيق والمكسرات والبيكنج بودر مع التقليب بهدور وفى الاخر ننزل بالزبدة السايحة وتكون باردة نكون محضرين صاج او صنية مستطليلة 40 \60 ويكون فى ارضية الصاج اما ورق زبدة او سيلكون ونصب فيها الخليط يكون برفع السويسرول يسوى فى فرن 180 لمدة تلت ساعة اول مسيتوى نطلعة ونرش على وشة قليل من السكر الخشن علشان نعرف نقشرة 
نسيبة يبرد وننقطعة 4 قطع ويكون الحشو بتاعة كالاتى 
300
جرام كريمة شانتية مضروبة 
200
جرام كريمة خفق مضروبة نصف ضربة 
100
جرام صوص كراميل 
نضرب كلوا على بعض ونبدا نحشى الكيك اما جاتوة او تورت 
ناس هتسال طب اى اللى على الوش دة 
عبارة عن كراميل بالمكسرات مفروم
مقدار الكراميل 
200
جرام سكر 
ربع كوب ماء 
لمونة 
100
جرام مكسرات سليمة 
هنحط السكر مع الماء مع اللمونة على النار واول متتحول للون الذهبى اى كراميل ننزل بالمكسرات نفردها على سيلكون ونسبها تبرد ولما تنشف نكسرها بالنشابة وتحط على وش الكيكة

ليست هناك تعليقات:

إرسال تعليق