تارت البرتقال او الليمون بالمارينج

تارت البرتقال او الليمون بالمارينج 

وصفة فى اليوم تارت البرتقال او الليمون بالمارينج
المقادير
اولا عجينة التارت السابلية
المقادير عجينة السابلية
200 جرام زبدة
100 جرام سكر بودرة
300جرام دقيق

ملعقة صغيرة زيت 

1 صفار بيضة 

فانليا 

ازاى نعمل بقا عجينة السابلية لانها مهمة جدا وهتحتاجيها فى كل الشغل بتاع الحلويات وهى نوع بسكويت مميز بصى يا ستى هتجيبى نوع زبدة كويس اللى هو النيوزلانة وتكون بدرجة حرارة الغرفة تحطها فى العجان مع السكر وتسيبيها تضرب لحد متبيض زى الكريمة البيضاء تنزلى عليها باصفر بيضة والفانليا مع الضرب تنزلى المضرب الكهربى وتحطى الدقيق على اليد مع التقليب بالراحة هتلم العجينة معاكى وهتكون طرية تحطيها فى كيس وتقفليها كويس وتدخليها الثلاجة تشد يعنى ممكن اعملها بالليل واشتغل بيها تانى يوم الصبح يكون افضل تانى يوم اطلعها واحطها فى المضرب دقيقتين بس تفك وافردها فى صنية التارت اللى تكون ناشفة ومرشوشة دقيق واخرمها بشوكة وادخلها الفرن تستوى على درجة حرارة 180 حوالى تلت اللى نصف ساعة حسب الفرن بتاعك 

مقادير كريمة الليمون او البرتقال 

150جرام زبدة 

150 جرام سكر 

7 اصفر بيض 

3 بيضة 

250 جرام عصير ليمون او برتقال 

فانليا 

50 جرام كسترد

طريقة عملها هنحط كل المقادير على خمام بخار اى حلة فيها مية ونحط عليها بولة ونحط جواها كل المكونات ماعدى النشا مع التقليب المستمر لمدة ربع ساعة هتلاقيها بتربط معاكى مع التقليب لحد متتقل تفكى ال 50 جرام نشاء بربع كوب ماء وتنزلى خيط رفيع مع التقليب 

التقليب مهم جدا علشان الكريمة متقلقعش هتلاقيها بقت زى الكريمة ناس ممكن تضربها دقيقتين فى العجان علشان تاخد الشكل الكريمى وتصب فى التارت السابلية المستوى وتدخل الثلاجة تشد وبعد كدا نعمل المارينج 

وهو كالاتى 

5 ابيض بيض 

فانليا 

170 سكر بودرة 

170 سكر خشن 

هنضرب الكل مع بعض لحد ميتحول للون الكريمى المارينغ نقطعة على التارت بكيس الحلوانى ونحطة دقيقة فى السلمندر لحد منحمر وش المارينغ او لو عندك باشبورى حلوانى تستعمليه