اشهى الاكلات كل يوم وصفة جديده المطبخ التونسي المطبخ الصيني المطبخ المصري حلويات جزائرية حلويات غربية رمضان شروبات عام المطبخ جزائري وصفات تركية برامج

آخر المواضيع

الكرواسون



الكرواسون



كم مرة عملتي الكرواسون وفشل منك او الزبدة خرجت منه واى نوع الزبدة اللى بتستخدميها
بعد طول انتظار الكرواسون الجامد بكل حركاته وتكاته بس عاوز ناس تركز معانا وان شاء الله هيطلع زى بتاع المحلات
المقادير
500
جرام دقيق
2
بيضة
40
جرام سكر
10
جرام خميرة
10
جرام ملح
30
جرام زبدة صفرا
ملعقة صغيرة محسن خبز لو عندك لو مفيش بلاش
25
جرام لبن بودرة او لبن حليب
ماء ساقع للعجن حسب الطلب
250 جرام زبدة صفرا يفضل انها تكون نيوزلاندى او لو رباك للتبنيط
الطريقة
بصوا يا اصحابى هنجيب طبق او حلة استلاليس او لو عندك عجان يبقى افضل نحط فيها هنحط جواها اية ياشيف
هنحط الدقيق والخميرة والسكر والملح واللبن وقطعة الزبدة اللى هى 30 جرام ونبدا ننزل بالماء الساقع المثلج ونعجن عجينة يابسة ونسبها تعجن شوية لحد متلاقيها ابيضت شوية نحطها فى كيس ونسبها على رخامة علشان تريح
نجيب ال 250 جرام زبدة ونجيب كيس ونفرد الزبدة على الكيس بحيث يكون سمكها رفيع وندخلها الثلاجة وبعد نصف ساعة نطلع العجينة ونفردها على الرخامة وتكون مرشوشة دقيق ونحط جواها الزبدة ونطبق العجينة على الزبدة ونبدا نفردها ونطبقها تانى ونفردها العكس ونطبقا هكذا لمدة 3 مرات هتلاقى الزبدة تلقائى دخلت جوة العجين اختفت نغطى العجينة بكيس ونسبها حوالى ربع ساعة ونفردها بسمك نصف سنتيمتر ونعملها مثلثات زى الصورة ونلفها من الناحية العريضة ونقفلها ونرصها فى صاجات ونسبها فى مكان دافى علشان تخمر ممكن نشغل الفرن دقيقتين ونقفلة هيسخن ندخل الكرواسون جواة بحيث يساعد على التخمر اول ميخمر زى الصورة نجيب بيضة ونصف كوب لبن ونقلبهم على بعض كويس ونحطهم فى بخاخة زى بتاع المكواة ونبخ الكرواسون قبل دخولة الفرن علشان يعطى اللون الكرسبى المحمر نشغل فرن درجة حرارة عالية 190 لمدة 15 دقيقة حسب نوع الفرن بتاع حضرتك هيطلع هتلاقية احمر وشة واستوى وبقى هش واللقمة دايبة فى الفم انشاء الله
ملحوظات
ممنوع منعا باتا استخدام الزبدة البيضا او الفيرن لانها تودى الى اضرار صحية بالغة
ناس تشتكى تقول الزبدة بتطلع من العجين حاولى تدخلى بعد متفردى الزبدة على الكيس دخليها الثلاجة تشد علشان لما تيجى تفرديها متسحش منك
حاجة بسيطة جدا كلنا بنخاف نعملها ونقول صعبة ومش عارف اية مش هتصدقوا ان الكرواسون دة سهل جدا ويكفيكم شرف المحاولة بصوا وركزوا وصحصحوا معاية هما عجنتين عاوزين ندخلهم جوة بعض بطريقة كويسة ازاى تخلى الكرواسون هش وخفيف اكن حضرتك بتاكلى هوا دة اللى هنشوفة تعالوا نتفرج
المقادير بالكوب الاول للناس اللى معندهاش ميزان
8
كوب دقيق
4
بيضة
2
ملعقة ملح
4
ملعقة سكر
2
ملعقة خميرة كبيرة
2
ملعقة محسن خبز
2
ملعقة لبن بودرة كبيرة
600
جرام زبدة للتبنيط
المقادير بالكيلو
1
كيلو دقيق
4
بيضة
2
ملعقة كبيرة خميرة
80
جرام سكر
15
جرام ملح
15
جرام محسن خبز
20 جرام لبن بودرة
600
جرام زبدة للتبنيط
الطريقة
هبسطها لكم خالص
هنجيب طبق استالس او لو عندك عجانة اوك نحط فيها الدقيق البيض السكر الملح اللبن البودرة المحسن الخميرة ونجيب مية ساقعة ونقلبهم كويس وننزل بالمية لحد متكون عجينة متماسكة نسبها على الرخامة بتاعتنا فى المطبخ ونجيب الزبدة اللى هى تكون متماسكة واحنا فردناها على كيس ونفرد العجينة ونحط جواها الزبدة ونطبقها زى المنديل ونفردها بالنشابة ونطبقها وندخلها الثلاجة ربع ساعة
نطلعها ونفردها بالطول كمان مرة ونطبقها وهكذا 5 مرات وبين كل مرة والتانية حوالى نصف ساعة فى الاخر نفردها على الرخامة وتكون سمكها حوالى 4 مللى
ونكون رشين تحتها دقيق علشان متلزقش وتقطعيها زى المثلث وتلفيها وممكن تحشيها جبنة لا نشون ونرصها على صنية مرشوشة رشة خفيفة دقيق وتكون بعيدة عن بببعض ونسبها فى مكان يساعد الخميرة انها تتخمر العجين لما يخمر نجيب بيضة معاها شوية لبن ونقلبهم كويس ونحطهم فى بخاخة بتاع المكوة ونبخ بخة بسيطة على الكرواسون وتدخل فرن درجة حرارة عالية 10 دقايق لحد ما الوش يحمر يطلع بالهنا والشفا
الاخت بتسال بستعمل زبدة اية بقولها زبدة بلوك كبير ممكن تشترى منها بالكيلو
كمان بتسال الزبدة بتطلع من العجين بقولها المهم الزبدة لما تشتريها افرديها على كيس وحطيها فى الثلاجة لمدة نصف ساعة علشان لما تفرديها متطلعش مع العجين
الهدف من التبنيط 5 مرات لان ده هو اللى بيخلى الكرواسون مورق وهش








اخر المواضيع

glx_ce58b9c8b92c2c556880818058d6a69d.txt