القلقاس
يتقشر زى البرتقال كده من برا و يتمسح بفوطة مندية و بعدها فوطة ناشفة.
و كذلك السكينة
تتغسل و تتنشف
كويس اوى،
و على فوطة ناشفة تماما اقطعه
دواير ثم صوابع ثم مكعبات قد بعض.
بدون غسل خالص و بدون ما يجى
عليه نقطة مية،
فالوقت ده عندى شوربة حلوة
تقيلة بتغلى عالنار.
اعصر عصرة ليمون خفيفة جدا و
انزل القلقاس فورا .
الليمون هيحافظ على قوامه انه
ميطلعش المادة اللزجة اللى فيه
اللى هى اصلا فايدة و طعامة القلقاس،
بتجهزى الخضرة سلق ورق بدون
عيدان و كسبرة و فى ناس بتحب تزود شبت بس انا مجربتش ،يتفرموا فالكبة كويس و يتصفى
مظبوط،
تشوفى القلقاس استوى تحطى
المية الى صفتيها عليه عشان يظبط اللون.
و الخضرة المتصفية تتشوح فى
سمن بلدى لغاية ما تنشف و تشمى ريحتها مفحفحة
تضيفى توم مفروم يتشوح معاهم و
تطشيهم عالقلقاس ،
و هنا و شفا
