كوسة بالبيشاميل

الكوسة بقطعها حلقات معاه معلقة زبدة و ملح و فلفل و بهارات و اشوحها و اوطى النار و اغطيها لحد ما تستوى هى بتنزل مية و تشربها مع نفسها ،،،،

العصاج بعمله نى فى نى لحمة و بصل مفروم و فلفل اخضر و كل البهارات اللى فالبيت و معلقة صويا لو عندك و ممكن تضيفى مشروم او ذرة او اى اضافة تحبيها يستوى لحد ما ينشف خالص و ميبقاش اى سوايل فيه ،،

بشاميل بردو نى فى نى بحط لبن يغلى عالنار و معاه معلقة زبدة و اكون مدوبة برا دقيق فى لبن كويس اوى و اضيفه بالراحة مع التقليب علطول لحد ما يتقل شوية او يوصل للقوام اللى تحبيه ،، اطفى عليه و احط مكعب ماجى و رشة ملح و فلفل ابيض ،،

الصينية دهنتها بشاميل زى ما شوفت شيف رنا عملت و بعدين طبقة كوسة و بعدين عصاج و بعدين كوسة و بين كل طبقة و التانية رشة بهارات خفيفة و عالوش البشاميل و رشة جبنة و بقسماط خفييييف اوى 

يمكنكم ايضا قراءة

فتة كفتة

الفته