المكرونة الملفوفة بالسوسيس و الخضار مع رولات اللحمة بالخضار
اللحمة ::
شرايح لحمة رقيقة
تبلتها ببهارات بس
و كل واحدة حشيتها فلفل و بصل و جزر و طماطم
بدون قلب
..
بلفها كويس اوى بحيث انها تكون متماسكة
..
لو حابة تحطى خلة احتياطى براحتك ..
شوحتها فى معلقة زبدة فيها بهارات بردو
..
مش بتاخد سوى كتير يدوب تتقلب كام مرة و تكون استوت عشان
الخضار يفضل ليه قرشة حلوة ...
النهاردة حطتلها بس معلقة صويا صوص مدوبة فى معلقة باربكيو و
غطيتهم عشر دقايق و طفيت النار ..
ممكن الصوص يبقى زبدة متشوح فيها فلفل اسود مجروش
..
ممكن صوص ابيض فيه جبنه ركفورد بتبقى
تحفة معاها
..
ممكن صوص باربكيو بس ..
ممكن زبدة تقدح و فيها شوية ريحان فريش
..
يعنى الصوص براحتك فيه على حسب المزاج
المكرونة عادى جدا مسلوقة و بعد ما صفتها
حطتلها شوية ملح و فلفل و بهارات
اخدت شوية فردتهم فى طبق
و حطيت واحدة سوسيس و رشة جبنة و رشة بهارات و خضار متقطع
صغير و لفتها روول كده و رصتهم فى صينية مدهونة ..
عملت الصوص عبارة عن صلصلة خفيفة و توم و ملح و فلفل و دهنت
الوش بكمية كبيرة شوية و دخلتها الفرن
يدوب تماسكت كده و اخدت لون
