كيكة الديسباسيتو

كيكة الديسباسيتو

ظهرت مؤخرا كيكة الديسباسيتو وانتشرت بطريقة رهيبة وهي عبارة عن كيكة مكونة من طبقات وهي 

الطبقه الاولى فادج كيك مسقي بالكاكاو
الطبقه التانيه موس شوكولاته
الطبقه التالته جناش

والان نقدم لكم تفاصيل تحضير كل طبقة 

مكونات الفادج :
٢ كوب دقيق منخول
٢ كوب سكر
٣ معالق كبار كاكاو خام
٥ بيضات
كوب زيت
كوب ميه دافيه
باكو بيكنج بودر
فانيليا
ذرة ملح

الطريقه :
هنضرب البيض مع السكر و الفانيليا لحد ما يبقى خليط كريمي لونه فاتح و بعدين نضيف الزيت تدريجي أثناء الضرب و نجيب بوله و نقلب فيها الدقيق و الكاكاو و البيكنج بودر و الملح و ننزل المواد الجافه بالتبادل مع كوباية الميه الدافيه و نضرب على أقل سرعه لحد ما المكونات كلها تندمج مع بعضها و نجيب صنيه أو بايركس مدهون سمنه او زبده و ننزل فيه الخليط .

التسويه :
هندخل البايركس فرن سخن على درجة حراره ١٨٠ و منفتحش عليها قبل نص ساعه عشان نختبرها و لما تستوي نطفي و نسيبها خمس دقايق و نطلعها من الفرن.
بعد ما تطلع هنسيبها تبرد عشر دقايق و نسقيها بكوب لبن مدوبين فيه معلقه كاكاو و معلقة سكر .

مكونات الجناش :
كوب كريمه أو لبن
٢ كوب شوكولاته مبشوره

الطريقه :
في حله على النار هنحط الكريمه أو اللبن لحد ما يسخن و نطفي و نضيف الشوكولاته و نقلب باستمرار لحد ما تسيح و تدوب تماما و نسيب الجناش يبرد .

طريقة الموس :
هنضرب كوب لبن مثلج مع كوب كريم شانتيه و نضيف نص الجناش و نضرب لحد ما الموس يتقل و نحطه على على الكيك و ندخله التلاجه يبرد و بعدين نضيف طبقة الجناش و نزين بخطوط من الشوكولاته البيضا.

للامانة الوصفة منقولة