اخر الاخبار

الثلاثاء، 30 يوليو 2019

بط بالفريك

بط بالفريك


طريقة عمل بط بالفريك

محلول النقع :
هننقع البطه في ميه عليها ربع كوب سكر و ربع كوب ملح و معلقة خل تفاح او خل عنب و اي أعشاب عطريه زي الروزماري أو الزعتر و نسيبها في محلول النقع من ١٢ ل ٢٤ ساعه .

التتبيله :
بصله مفرومه ناعم مع ملح و فلفل و جوزة الطيب و نص ليمونه و نتبل البطه كويس من بره و جوه و من تحت الجلد و نسيبها في التتبيله ساعتين.

مكونات الفريك :
٢ كوب فريك مغسول و متصفي
كبد و قوانص متقطعه صغير
ملح و فلفل
رشة نعناع ناشف
رشة جوزة الطيب
بصله مفرومه
معلقتين سمنه

الطريقه :
في حله على النار هنحط السمنه و ننزل البصل نشوحه و بعدين نضيف الكبد و القوانص و ملح و فلفل و جوزة الطيب و رشة نعناع و بعدين نضيف الفريك و نقلب كويس لحد ما الفريك يتحمص و نطفي عليه و نسيبه يبرد و بعدين نحشي البطه و نسيب الباقي نحطه في البايركس تحت البطه و نضيف نص كوب ميه في البايركس و نغطي كويس اوي بالفويل .

التسويه :
هندخل البايركس فرن سخن على درجة حراره ٢٠٠ بتاخد حوالي ساعتين في التسويه و بعدين نشيل الفويل و نتأكد انها استوت و ندهنها بصوص باربكيو بالفرشه و نولع الشوايه عشان تتحمر و نقدمها بالهنا
للامانة الوصفة منقولة 

ليست هناك تعليقات:

إرسال تعليق