اخر الاخبار

الثلاثاء، 30 يوليو 2019

الفراخ الكرسبي و الريزو

الفراخ الكرسبي و الريزو

طريقة عمل الفراخ الكرسبي و الريزو
مكونات التتبيله :
فرخه منزوعة الجلد و متقطعه ١٠ قطع
علبتين زبادي أو كوب لبن رايب
ملح و فلفل
توم و بصل بودر
بابريكا
كيس مرقه فوريه
هنقلب التتبيله و نعمل شقوق في قطع الفراخ و نتبلها و نغطيها و نسيبها يوم كامل.

مكونات طبقة الكرسبي :
كوب دقيق
نص كوب نشا
ملح و فلفل
توم و بصل بودر
بابريكا
كيس مرقه فوريه
كيس بيكنج بودر
هنقلب المكونات الجافه مع بعضها كويس و نحطها في علبه او كيس .
هناخد كل قطعه من الفراخ و ننزلها في العلبه أو الكيس و نرجها من غير منضغط على القطعه بإيدنا عشان تعمل الطبقه الكرسبي .

التسويه :
هنجيب حله على النار فيها زيت غزير على نار عاليه و ننزل قطع الفراخ في زيت سخن و بعدين نهدي النار نخليها متوسطه و نغطي الحله و نسيبها تستوي بتاخد من ١٠ ل ١٥ دقيقه حسب حجم القطع و بتطلع مستويه كويس جدا.
و مش بنحط أكتر من قطعتين في الحله عشان الزيت يفضل محتفظ بحرارته .

مكونات الريزو :
كوب رز مغسول و متصفي
كوب ميه
مكعب مرقه
معلقه كبيره صويا صوص
معلقه كبيره عسل أسود
رشة كاري و رشة كركم
ملح و فلفل
زيت

الطريقه :
في حله على النار هنحط الزيت و ننزل الصويا و العسل و المرقه و التوابل و نقلب و ننزل الرز و نقلبه شويه و بعدين نضيف الميه للتسويه .

الصوص :
معلقتين كاتشب
معلقة باربكيو
معلقة صويا صوص
معلقه صغيره عسل اسود
معلقه صغيره مسترده
معلقه صغيره هوت صوص

طريقة الصوص :
هنقلب المكونات على النار لمدة دقيقة لحد ما تندمج و نطفي عليها و نسيبها تبرد و نستخدمها
للامانة الوصفة منقولة 

ليست هناك تعليقات:

إرسال تعليق