اخر الاخبار

الثلاثاء، 30 يوليو 2019

تشيز تارت بصوص الفراوله


تشيز تارت بصوص الفراوله


حاجه كده تحفه تجمع ما بين التشيز كيك و التارت الدايب الخطييير

مكونات عجينة التارت :
٢ كوب دقيق منخول
كوب زبده طريه أو كوب إلا ربع سمنه
نص كوب سكر بودره
٢ صفار بيض
فانيليا

الطريقه :
هنضرب السكر و الزبده مع بعض بالمضرب و بعدين نضيف الصفار و الفانيليا و نكمل ضرب و اخر حاجه نضيف الدقيق و نلم العجينه من غير عجن .
هنجيب صنية التارت و نفرد العجينه و نخرمها بالشوكه عشان مترتفعش أثناء التسويه .

التسويه :
هندخل التارت فرن سخن على درجة حراره ١٧٠ من ٣٠ ل ٤٥ دقيقه حسب الفرن و نطلع التارت نسيبه يبرد و نحضر الكريمه .
مكونات طبقة التشيز :
كوب كريمة خفق
٦ قطع كيري
نص كوب كريم شانتيه بودر
٢ معلقه كبيره سكر بودره

الطريقه :
هنضرب كريمة الخفق مع الكريم شانتيه و السكر و بعدين نضيف الكيري و نكمل ضرب لحد ما القوام يبقى كريمي تقيل و نوزعه كويس على التارت.
مكونات صوص الفراوله :
نص كيلو فراوله فريش أو فروزن
نص كوب سكر

الطريقه :
هنحط السكر على الفراوله في حله على النار و نسيبه على نار هاديه حوالي ربع ساعه و بعدين نضربه بالهاند بليندر أو نضربه في الخلاط و ممكن نضيف عليه نقطتين من اللون الأحمر الجيل عشان نغمق اللون و لو حسينا أن الصوص خفيف ممكن نرجعه تاني على النار لحد ما يتقل و نسيبه يبرد و نفرده على طبقة التشيز و بالهنا
للامانة الوصفة منقولة 

ليست هناك تعليقات:

إرسال تعليق