الكيك الاسفنجي

الكيك الاسفنجي

الكيك الاسنفنجي عبارة عن كعكة متكونة من سكر وبيض وطحين، تخفق جيدا بالخلاط الكهربائي للتحصل على قوام رخو يشبه الاسفنج لذلك تمت تسميته الكيك الاسفنجي

نقدم لكم في هذه المقالة وصفات عديدة لتحضير الكيك الاسفنجي او الاسبونش كيك 

الكيك الاسفنجي

المقادير

7بيضات 
فانيلا 
200 جرام سكر 
25 جرام محسن جل 
290 جرام دقيق 
ملعقة بيكنج بودر صغيرة مليانة 
100 مللى ماء عادى 
الطريقة. .
كله مع بعضه فى المضرب الكهربائي حوالى 10 دقائق أو لحد ما يرفع ويبيض. ..نصبه فى فورمة مقاس 26 بعد ما ندهنها زبدة. ...
الفرن حرارة 180 لمدة نصف ساعة

طرق اخرى للاسبونش 
الاسبونش كيك 
فى كام طريقة 
اولا طريقة محسن جل 
8 بيضات 
فانليا 
1 بيكنج بودر 
200 جرام سكر 
250 جرام دقيق 
1 ملعقة كبيرة محسن كيك 
75 جرام ماء ربع كوب ماء 
هنضرب كلوا على بعض فى المضرب الكهربى لمدة 12 دقيقة لحد متبيض زى الكريمة نصبها فى 2 صنية 22 وتدخل الفرن 180 لمدة 25 دقيقة تطلع تترك حتى تبرد 

الاسبونش الجاهز 
500 جرام اسبونش كيك جاهز 
7 بيضات 
فانليا 
ربع كوب ماء 
كلوا على بعض وتصب فى 2 صنية 22 وتدخل فرن 180 لمدة 22 دقيقة 
ازاى نقطع الاسبونش كيك 
يقطع 3 قطع ويسقى شربات خفيف وبحشى كريمة شانتية وعليها فراولة مطبوخة وتجلس بالكريمة وتترك فى الثلاجة لمدة ساعة تطلع تفنش فاكهة وتلمع بجيلى التلميع
الكريم شانتيه بعد الخفق بيبقا مش متماسك فى تغليف التورت وهى كالتالى. ...
250 مللى ماء مثلج 
150 جرام بودرة كريم شانتيه (نوعية كويسة )الأفضل اللى بدون سكر ونضيف له سكر حسب الرغبة أثناء الخفق (يذاب فى الماء قبل الخفق )
50جرام بودرة كريم باتسيير (باسترى كريم )
الطريقة. .....
هندوب السكر فى الماء المثلج ونضيف بودرة الكريم شانتيه وكذلك بودرة الكريم باسترى (طبعا الخفق باستخدام السلك )
هنشغل الماكينة (المضرب )على سرعة وسط دقيقتين ونطفى ونلم الجوانب والأرضية علشان لو فيه بودرة تحت فى القاع أو الجوانب تدوب 
بعدين نشغل المضرب 7 دقائق على أقصى سرعة لحد ما يتكون عندنا كريمةقوامها متماسك وجميل. ..
بس ملحوظة لون الكريمة مش هيكون أبيض ناصع كطبيعة الكريم شانتيه
لونه هيبقى زى الصور اللى أنا مغلفها فى المقدمة والتورت اللى فى الآخر ضفت للكريمة صوص شوكولاتة أو جناش 
الشاهد من الموضوع إن الكريم شانتيه هيكون متماسك بالطريقة دى (الميكس )ونقدر نغلف التورت بسهولة 
طريقة تغليف جناش الشيكولاتة 
100 جرام كريمة خفق سايلة 
250 جرام شيكولاتة بنى 
ملعقة كاكاو 
ملعقة عسل غلكوز 
هنحط الكريمة على النار تغلى نرفعها من على النار وننزل بالشيكولاتة قطع مع التقليب وفى الاخر الكاكاو والعسل الغلكوز نسبها تبرد شوى وتكون التورتة فى فريزر قبلها ساعتين ونصب على طول