اخر الاخبار

الثلاثاء، 13 أغسطس 2019

شوكلت براونىز


شوكلت براونىز 


المقادير
90
جرام زبدة
50
جرام سكر بودرة
80
جرام اصفر بيض
فانليا 

90 جرام شيكولاتة سايحة 
ربع كوب لبن سخن حوالى 30 جرام 
90 جرام دقيق 
ربع كيس بيكنج بودر 
120 جرام ابيض بيض 
45 جرام سكر خشن 
الطريقة 
بسم الله 
هنجيب الزبدة وتكون بدرجة حرارة الغرفة ونحطها فى المضرب الكهربى الكف مع السكر البودرة مع الضرب المستمر لحد متبيض الزبدة ننزل الاصفر بيض مع الفانليا مع التقليب لمدة دقيقتين ننزل بالدقيق والبيكنج بودر مع التقليب لحد ميتجانس الدقيق نكون مسيحين الشيكولاتة وحطين عليها اللبن وقلبناها وننزل بخيط رفيع على العجين اللى واخد دقيق مع التقليب نفصل العجان ونشيل العجينة فى طبق نغسل العجان ونشفها كويس جدا من الماء نكون فصلنا الابيض بيض وحطناة فى العجان مع السكر الخشن وسبناة يضرب لحد مبيقى مارينج ننزل بايدينا المارينج على العجين السابق مع التقليب نصبة فى صنية مدهونة زبدة ورشة دقيق حوالى 24 سنتيمتر وتدخل فرن 170 لمدة نصف ساعة لحد متستوى كويس 
تطلع نسبها تبرد خالص فى الثلاجة نشيل الوش ونبدا نعمل الجناش السهل علشان نزين بية ونصيحة الجناش نعملة قبلها بيوم علشان يكون متماسك وانا بشكلة بكيس ويكون خارج الثلاجة بدرجة حرارة الغرفة 
مقادير الجناش 
200 جرام كريمة فرش 
ملعقة زبدة 
550 جرام شيكولاتة خام 
الطريقة على حمام بخار هنسيح الشيكولا ونكون مسخنين الكريمة ننزل بالشيكولاتة على الكريمة مع التقليب وفى الاخر الزبدة مع التقليب نصفى الخليط ونسيبة يبرد لتانى يوم


ليست هناك تعليقات:

إرسال تعليق