الطعميه

 الطعميه 

طريقة عمل الطعميه في البيت 

المكونات :
ربع كيلو فول مدشوش
ربع كيلو حمص
١٥ عود كرات و البديل كسبره
بصله كبيره
٥ فصوص توم كبار
٢ معلقه صغيره ملح
معلقه صغيره كسبره ناشفه
نص معلقه صغيره بابريكا ( اختياري (
معلقه صغيره بيكنج صودا ( كربوناتو(

الطريقه :
هنغسل الفول و الحمص و ننقعه ليله كامله ١٢ ساعه و بعدين نشطفه و نصفي كويس و نطلعه على فوطه مطبخ عشان يصفي أي ميه .
هنغسل الكرات أو الكسبره و نطلعه على فوطة مطبخ عشان يبقى ناشف خالص .
هنضرب الفول و الحمص مع الخضره و البصل و التوم في الكبه لحد ما تبقى ناعمه بس مش اوي و بعدين نضيف عليها الملح و الكسبره و البابريكا و البيكنج صودا و نقلبها كويس.

التسويه :
هنبل ايدنا بميه او زيت و ناخد من الطعميه و نعملها على شكل دايره و نحط عليها سمسم أو كسبره و ننزلها في زيت متوسط الحراره عشان تتحمر من بره و تستوي من جوه.

التخزين :
هنحطها في أكياس تلاجه و ندخلها الفريزر و نطلعها قبل الاستخدام تفك و نستخدمها .

ملحوظه :
ممكن نعملها كلها بالفول أو بالحمص .