اخر الاخبار

الجمعة، 16 أغسطس 2019

احلى وصفة لكعك العيد

احلى وصفة لكعك العيد


مقادير الكحك.
أنعم طريقة بلا مبالغة
ملحوظة بس هنا الطريقة دى ع البااااارد يعنى السمنة المستخدمة باردة انا استخدمتها من العلبة علطول بدرجة الغرفة
المقادير. ...
كيلو دقيق الأصيل
500جرام سمنة عادية بالإضافة إلى 60 جرام سمنة بلدى عشان الطعم يعنى على كيلو الدقيق 560 جرام سمنة لو احنا فى الشتاء
50 جرام سكر بودرة
ملعقة صغيرة بيكنج بودر
ملعقة كبيرة خميرة فورية
200
مللى ماء
2
ملعقة كبيرة حليب بودرة
ممكن نضيف ريحة كحك أو بدون لأن فيه سمنة بلدى
ذرة ملح صغيرة جدا 

الطريقة
أول شئ ندوب الخميرة فى المية ونتركهم على جنب
ثانيا هنخفق السمنة مع السكر لحد ما الخليط يبيض ويبقى كريمى
بعدين نضيف الدقيق مع ذرة الملح والبيكنج بودر والحليب البودرة ونقلب بهدوء جدا
بعدين نضيف الماء المذاب فيه الخميرة مرة واحدة ونقلب بهدوء برضو
ممكن نلاقى العجين جامد

بعد كدا ناخد قطعة بقطعة وناخد بالنا بقى من الخطوة اللى جية ندعكها ع الرخامة زى ما بندعك عجين الغريبة كدا هتنعم وتطرى، نقطع منها ونحشى بقى بلاش نكبر الحجم 
أنا حشيت ملبن مع مكسرات ونلف ونرص فى الصينية واشتغل بالبصامة بتاعت الكحك. .... ويروح الفرن علطول علشان شكل النقشة ميروحش 
ممكن يستنى برة ربع ساعة ميروحش الفرن مش اكتر من كدا 
الصينية نضعها فى نص الفرن 
ملحوظة لازم نولع الفرن قبل ما ندخل فيه الكحك بفترة ...
الكحك هيروح الفرن على حرارة 170 وهياخد تقريبا فى الفرن من 20 إلى 25 دقيقة 
هيطلع لونه أبيض مائل للاصفرار قليلا زى الصور 
بلاش يقعد فى الفرن اكتر من كدا هيفتح ويطلع منه الحشو 
الكمية دى هتاخد حشوة نصف كيلو ملبن تقريبا 
الوصفة منقولة من الشيف ابو سيف الحلواني 

ليست هناك تعليقات:

إرسال تعليق