التارت المالح

التارت المالح

التارت المالح بطريقة جميلة وسهلة ممكن نعملة بالبيت 
المقادير 
180 جرام زبدة 
2 بيضة 
فانليا 
6 جرام ملح 
350 جرام دقيق 
6 جرام بيكنج بودر 
2 ملعقة ماء 
150 جرام جبنة رومى مبشورة ناعم 
الطريقة التارت بصوا بالعجان والمضرب الكف هنحط كلوا على بعضوا ونسيبهم يضربوا شوبة والبيض والماء فى الاخر هتلاقى العجينة اتلمت نسبها فى الثلاجة تشد ولما تشد نطلعها ونفكها ونفردها على رخامة وتحتها دقيق ونفردها فى التارتات الخاصة بالتارت وتدخل الفرن حوالى 7 دقايق تتشمع ونبدا نعمل بقا الحشو اللى هنحطة فيها 
اولا ممكن نسوية كدا كويس تسوية كاملة ونحط جواة جبنة بزعتر او بكركم بكيس الحلوانى 
لو عاوزين نحط جواة الابراى وسمك وكوسة وكدا 
ممكن نحط جواة شرايح بصل وطماطم وكوسة مسلوقة شرايح او سمك سلمون قطع فيليهات او ممكن فراخ قطع من الصدور مسلوقة ونضع علية الابراى الاتى 
500 جرام لبن 
ملعقة صغيرة ملح 
ربطة بقدونس مفرومة 
5 بيضات 
50 جرام زيت 
هنضرب كل دة على بعض وبعد مانشمع التارت 7 دقايق فى الفرن نطلعة ونحط فية الخضار او اللحوم او الاسمالك قطع صغيرة مناسبة ونصب علية الابراى السابق ويدخل الفرن يكمل تسوية نرش علية قليل من الجبنة البرمجان وهو سخن