الروانى
فى ناس تقول عليها نوع شرقى وناس تقول نوع غربى
بس انا بموت فيها لانها عاملة زى الكيكة الخفيفة المسقية شربات وجوز هند
تعالوا نشوف الطريقة
المقادير
5 بيضات
فانليا
بشر برتقالة ناعم
75 جرام سكر
100 جرام دقيق
25 جرام جوزهند
20 جرام دقيق بسبوسة
نصف كيس بيكنج بودر حوالى 9 جرام
20 جرام زبدة سايحة
الطريقة
فى العجان بتاعك هتحطى البيض مع السكر وتسيبيهم فى العجان حوالى 12 دقيقة لحد ما البيض يعلا يبقى عامل زى الكريمة نفصل العجان وننزل باليد كلا من الجوزهند ودقيق البسبوسة والبيكنج بودر والدقيق العادى والزبدة مع التقليب بهدوء ونكون مجهزيين صنية 22 سنتيمتر وتكون فيها ورقة زبدة او ورق المونيوم فويل وندخلها فرن على درجة 170 لمدة نصف ساعة لحد متستوى تطلع تسقى شربات خفيف بارد ونسبها تبرد ونمسح على وشها مربى مشمش وتاخد اما جوزهند او مكسرات
