العيش البرجر والكيزر

العيش البرجر والكيزر 

ازاى يبقى هش مش مكتوم من جوة وكمان سهل اننا نفتحة ونعملة سندوتشات ازاى نعملة بالبيت زى الىى بنشترية من المخبز
اولا لازم نتبع شوى تعلبمات 
فى الافران لازم عملية تخمر العيش بيكون بمخمر وبخار ماء يساعد على تفتيح مسام العيش من جوة 
نعملها فى البيت ازاى بطريقة سهلة اننا بعد منسيب العيش يتخمر نحاول منعرضش الصنية للخبط او الاهتزاز بعد التخمير ونحطها فى فرن مسخن مسبقا ونفتح الفرن اما نرش شوى مية فى صنية بارضية الفرن فهتطلع بخار او نحط صنية بها قليل من الماء 
التسوية العيش بيستوى بدرجة حرارة عالية من 200 الى 220 بياخد 12 الى 15 دقيقة 
اخر حاجة نوعية الدقيق
ولما العيش يطلع ممكن ندهنة بفرشة زيت زيتون 
المقادير

1كيلو دقيق
100جرام سكر
10جرام ملح
20جرام خميره
100جرام زبده
100جرام حليب
10 جرام محسن خبز
1بيضه
400جرام ماء او حسب الطلب
المقادير
تحطى كل المقادير مع بعض وتنزلى بالمية بها الخميرة مع التقليب وتسيبها تخدم بالعجان وتحطيها على الرخامة بها زيت 5 دقايق تريح وتقطع كور بالنسبة للعيش الكيذر بيكون 60 جرام انما البرجر وزنة من 60 الى 270جم وتكور وترص على الصاجات وتترك فى مكان دافى تتخمر وتدخل الفرن بالتكنيك الىى اتكلمنا علية للتخمير وتسوى على درجة 200