كسكسي باللحم
معروف في الجزائر ان الطبق
الذي يحضر للغذاء يوم الجمعة
او في الافراح هو الكسكسي اما بالمرقة الحمرا او بيضاء او مصفوف او بطرق عديدة
اليوم نقدم لكم وصفة الكسكسي بالمرقة الحمرا واللحم
الكسكسي
المقادير
كسكس
ماء
زيت
ملح
طريقة التحضير
نضع قدر الماء فوق النار يغلي
نملئ واحدة كيلة كسكس و نبلله بالماء ثم نفرغه في الكسكاس لمدة
10 دقائق حتى يجف
نفرغ الكسكس في القصعة و نفتحه بقليل من الزيت ثم نفرغه في
الكسكاس و نضعه فوق القدر حتى يفور
نضع الكسكاس في القصعة نضع كمية من الملح فوق الكسكس و
نضيف كمية من الزيت ثم نفرغ فوقه 1 كيلة ماء ثم نفرغ الكسكس في القصعة و نخلطه
بملعقة خشبية و نغطيه و نتركه حتى يتشرب كامل الماء من 15 الى 30 دقيقة
نفتح مره ثانية باليد و نضعه في الكسكاس و نفوره مرة ثانية
نفرغ الكسكس في القصعة و نفتحه قليلا بالملعقة و نضيف له كمية
من الزبدة او السمن و نخلط جيدا حتى يذوب السمن او الزبدة
مرقة اللحم
المقادير
قطع لحم
ملعقة زيت
ملعقة سمن
ملعقة طماطم مصبرة
1 بصل مسكرفج
2 فصوص ثوم مسكرفج
حبة طماطم مسكرفجة
حمص مطبوخ
او منقوع في الماء ليلة كاملة
ملح
راس الحانوت
فلفل اسود
فلفل عكري حلو
2 زرودية مقطعة على 2
2 قرعة مقطعة على 2
1 بطاطا مقطعة على 2
طريقة التحضير
ناخد طنجرة نحط فيها زيت نحط اللحم بتقلا مليح ثم نحط
االبصل نخليهم يتقلاو نضيف الثوم،
نضيف الطماطم المصبرة نخليها تتقلى دقيقتين، نضيف
الطماطم المسكرفجة والملح والتوابل، نمرق بعدها ونترك اللحم حتى نص طياب ونضيف
الزرودية والقرعة والبطاطا والحمص ونتركهم يطيبو
للتقديم نحط الخضرة على واللحم فوق الكسكسي ونمرق
التزيين حسب الذوق
