اخر الاخبار

الجمعة، 16 أغسطس 2019

جاتو وسويسرول


جاتو وسويسرول


للشيف ابو سيف الحلوانى
دى طريقة للجاتوهات والسويسرول فى نفس الوقت بس جميلة جدا والجاتو والسويسرول بيفضل طرى فترة كبيرة فى التلاجة
المقادير
15
بيضة
نصف كيلو سكر عادى
ملعقة فانيلا
65
جرام محسن كيك جل
350
جرام دقيق
150
جرام كاكاو بودرة دارك (غامق)
ملعقة طعام بيكنج بودر مش مليانة
150
مللى ماء عادى
الطريقة
هنضرب السكر والبيض والفانيلا على سرعة وسط دقيقتين اللى عنده مضرب كينوود يبقى على سرعة رقم 3يدوب السكر بعدين اضيف المحسن واسيبه شغال دقيقتين بردو بعدين اضيف الدقيق والبيكنج بودر والكاكاو والمضرب شغال نفس السرعة بعدين اعلى السرعة لرقم 4او 5لما يرفع الخليط شوية صغيرين ويبدأ يبيض لونه اضيف الماء شوية بشوية والمضرب شغال على السرعة العالية هلاقى الخليط يبدأ يرفع زيادة ويتضاعف حجمه لما اخلص كمية الماء اسيب المضرب شغال على الخليط حوالى خمس دقائق على السرعة العالية هلاقى الخليط فى الاخر ناعم جدا وجميل اصبه فى صاجات ارتفاع2سم واوديه الفرن حرارة 210لمدة تقريبا ربع ساعة او زيادة او اقل شوية حسب الفرن الكمية دى هتعمل 3صاجات 40فى 60
انا زودت الكاكاو البودرة عشان يطلع الشكل الغامق ده





ليست هناك تعليقات:

إرسال تعليق