اخر الاخبار

السبت، 2 مارس 2019

الممبار المحشي بالتفصيل الممل



النهاردة حنقدملكو طريقة عمل الممبار المحشي بالصور وبالتفصيل الممل 
الممبار 

الممبار الافضل انه ييجى متنضف وانتى تعيدى عليه 

وتنضيفه بتقلبيه على ظهره وتنقعيه فى ملح وخل وليمون وبعدين تبدأى بظهر السكينه تكحتى فيه وتشيلى كل الرواسب والشوائب والدهون بسيط 

وبعدين تحت الميه تقلبيه ، أبدأى قصيه بالمقص كله قد بعض " الافضل مقاس صغير "

وبعدين انقعيه فى بصله مبشوره 
عليها ليمون وملح وفلفل ونعناع 
الممبار او المحاشى عامتاً ممكن يتعملو بنفس المكونات ني فى ني بس انا بفضل التسبيك وليكى حرية الاختيار

المكونات 

رز ، زيت ، سمنه ، عصير طماطم متصفى ، معلقتين صلصه ، بصل ، بقدونس ، شبت ، كزبره ، نعناع ، ملح ، فلفل ، كزبره ، قرفه ، كبابه صينى

اول حاجه بتدعكى الرز بالزيت وفلفل اسود ونعناع 

وتبدأى تعملى الخلطه 

تشوحى البصله ومعاها نص الخضره ، وبعدين تنزلى بالطماطم وعليها التوابل وأول ما تتسبك وتتقل انزلى بباقى الخضره واطفى عليه 

بعد ما تبرد شويه ضيفى عليه الرز والسمنه والصلصه وقلبيه وابدأى فى الحشو زى الصوره ما موضحه كده ، مش هتمليه طبعاً لانه بينفش جداً ، هيكون بالشكل لي فالصورة

التسويه ؛ مستكه وحبهان وورق لورا وليمون وملح وفلفل ، تغلى ، تنزلى بالممبار ، اول ماهينزل فى الميه السخنه هتلاقيه كش اوى تسبيه على نار هاديه علشان الممبار ما يجلدش وتكون الجلده مستويه كويس 

تطلعيه بعد السوا ، يتحمر فى زيت و عليه معلقة زبده ويطلع على ورق مطبخ ويترش عليه اول مايطلع ملح و فلفل وكزبره ناشفين 


















يمكنكم ايضا قراءة



ليست هناك تعليقات:

إرسال تعليق