طريقة محشي الكرنب ولفته بالصور والخطوات
طريقة الكرنب ولفته مظبوط بالصور الكتييير والخطوات والتفصيل الملل
أول حاجه خالص انا صورت الكرنبايه تصوير دقيق علشان تشوفو ازاى تجيبوها ،
مايكونش فيها عروق كتير اهم حاجه زى دى كده ماشاء الله كانت ورقتها حلوه وناعمه
وماهدرتش منى خالص
التقطيع ؛ زى
الصوره بالظبط هتدخلى السكين
وتقطعى الراس علشان تكون سهله فى فكها
السلق ؛ الميه
هيكون فيها ملح وكمون
هتسلقى الورقه زى ماهى ماتقطعهاش الاول وهى دى اهم حاجه
علشان الورق كله يطلع مظبوط وزى بعض اوى ،هتمسكى الورقه نبرمها ونلفها كده وبعدين
نقطعها مقاسات زى بعض ، وبعدين رصيها فى طبق بنظام علشان تكون سهله معاكى فى اللف
وحطى الورق الاخضر لوحده لانى ببدأ بيه علشان احطه من تحت خالص فى الحله
الخلطه :
انا بعمل الاول الرز فى ملح وفلفل وزيت ونعناع
وبسبك الطماطم مش نى فى نى عايزين نى فى نى زى ماتحبو هى
هى المكونات
بصل ، توم ، ملح ، فلفل ، بابريكا ، جنزبيل ، سماق ،
قرفه ، عصير طماطم ، فلفل احمر
حار اختيارى " ،معلقتين كبار صلصه
خضرة محشى اللى هى شبت كسبره بقدونس ويكونو كتييييييير
تشوحى البصله والتوم وتنزلى بربع الخضره تتشوح معاهم
وبعدين الطماطم والتوابل وأول ماتتقل بضيف باقى الخضره
اللف والتسويه ؛ فيه طريقتين انك تلفى على ايدك اى على
طبق ، انا بلف على ايدى الحقيقه وبردو صورت الطريقه التانيه للى حابب يعملها
التسويه الطريقه العاديه بتاعتنا انك بتخطيه بطبق علشان
الصف الاول مايفكش بس
انا الاول كنت بغطيه واكبسه بفويل بس قلولى مش صحى فبقيت
أعمل بالطريقه المعتاده
مابيتحطش شوربه كتير يادوب على الأد لانه بيستوى بسرعه
وألف هنا للى هيجربه يارب
0في الصور 10
طبقتها نصين وبعدين
لفتها ولو عايزه تقطعيها نصين وتحطيهم فوق بعض هى هى بردو مش كل نص لوحده لا
يمكنكم ايضا قراءة
